Afslöppun - A time to relax

 

Þorláksmessan á þessum bænum hófst fyrir allar aldir (klukkan fimm í morgun til að vera nákvæm) vegna þess að við vildum vera snemma á ferðinni á leiðinni norður því samkvæmt spánni átti að skella á blindbylur um hádegið - sem gerðist síðan ekki en það var virkilega gott að komast heim til Akureyrar til að eyða síðasta deginum fyrir jól með fjölskyldunni. Núna ligg ég flöt uppi í rúmi að horfa á jólamyndir með gæludýrum og kallinum og ef jólin eru ekki besti tíminn til að slappa af með góðu fólki, heimabakaðri pizzu, cupcakes og The Nightmare Before Christmas, þá bara veit ég ekki hvað. Ég vona að sem flestir noti frídagana sína í að gera eitthvað sem gleður svo að nýja árið hefjist með batteríin hlaðin. 

****

'Þorkáksmessa' (or Thorlaks's mass, the day before Christmas) started early for us, or five in the morning to be exact. We decided to get up early for our trip to Akureyri since the weather forecast predicted a storm around noon but that never happened. The weather turned out to be great, still with big and fluffy snowflakes - very 'Christmassy'.  It was great to be so early home, we had the whole day to relax with the family and do some last minute errands and now I'm holed up in my bed with my man and pets, watching Christmas movies. This is the best time to have some cupcakes, wine, homemade pizza and have a great laugh over The Nightmare Before Christmas.

Desemberplanið - The December plan

Desember er mánuður sem fólk virðist elska eða hata, að því er virðist. Sumir geta ekki beðið eftir aðventunni og gera fjölmarga jólaundirbúningsstatusa á facebook á meðan aðrir hvæsa yfir öllu veseninu sem fylgir því að halda jól og tilkynna öllum sem vilja hlusta að heima hjá þeim verði sko engin sérstök jólaþrif eða smákökubakstur. Ég hef sjálf verið mikið jólabarn síðan ég man eftir mér - jólin voru alltaf algjört ævintýri þegar ég var krakki og það var meira að segja ákveðinn sjarmi yfir því að þrífa fyrir jólin. Mamma hafði gott lag á því að gera jafnvel lítið spennandi hlutina skemmtilega. Og það sem stendur upp úr ekki það sem ég fékk í jólagjöf heldur litlu hlutirnir í kring sem fylltu andrúmsloftið af gleði og vellíðan. Ég gerði smávegis lista yfir þær minningar sem sem rifjast alltaf upp á þessum tíma og láta mér líða vel.

-Hvíti flauelskjóllinn sem mamma saumaði á mig og mér leið eins og prinsessu í.

-Hvernig afi glotti til mín yfir möndlugrautnum rétt áður en ég fann möndluna á disknum mínum (ég komst að  því mörgum árum seinna að afi fékk hana alltaf en laumaði henni yfir á minn disk þegar ég sá ekki).

-Kyrrðin sem var úti á aðfangadagskvöld.

-Birtan af jólaljósunum sem gerði allt miklu huggulegra.

-Jólalögin sem mamma spilaði í botni þegar við skrifuðum á jólakort, bökuðum smákökur eða skreyttum.

-Að leggjast upp í rúm á aðfangadagskvöld með nýja bók til að lesa fram á nótt.

-Það voru alltaf keypt ný náttföt til að vera í á aðfaranótt jóladags og svo voru sett nýþvegin rúmföt utan um sængurnar á Þorláksmessu og ein besta tilfinning í heimi var að leggjast upp í rúm í nýju náttfötunum í sængurnar sem ilmuðu af mýkingarefni.

****

December is a month people love or hate, or so it seems. Some are bursting with excitement and make endless facebook statuses about their holiday preparations while others try to avoid everything that has to do with with Christmas. I've always loved Christmas. It was always such a magical time when I was a kid - even the annual 'Christmas house cleaning' had it's charm. And the things I remember? Not the gifts (though I did like them too!) but the small things that made this time special and wonderful. And as a special holiday treat for my self I made a list of my favorite Christmas memories that don't seem to fade as time goes by:

-My white velvet dress my mother made for me and I loved.

-How my great grandfather used to grin at me when I found the almond in my 'möndlugrautur', (a rice pudding with cinnamon and sugar which is an Icelandic holiday dish, usually served before the main course on Christmas eve and it has one almond in it. The person who gets the almond wins a price). I usually won and it wasn't until many years late I was told that my grandfather always got the almond but secretly put it in my pudding so I would win the price.

-How silent Christmas eve was (On Christmas eve in Iceland everyone stays at home, everything is closed, almost no one is around outside and there is no sound of traffic).

-The holiday lights that made everything more romantic and cosy.

-The holiday music my mother would blast while we were writing Christmas cards, baking cookies or decorate the house.

-Crawling in to bed on Christmas eve with a new book to read.

-My mother always bought new pajamas for us to wear on Christmas eve and put on freshly washed sheets on 'Þorláksmessa' (December 23, the day before Christmas. Icelandic Christmas start at six in the evening on December 24). It was heaven to go to sleep in the new pajamas and fresh sheets.

Það sem einkenndi jólin heima var stressleysið. Jólin eyðilögðust ekkert ef ein smákökusort var ekki bökuð eða ef geymslan var ekki þrifin hátt og lágt, samt var bæði þrifið og bakað. Það var hins vegar gert í samræmi við hversu mikill tími var til að gera slíkt og þörf, en ekki sem nauðsynleg kvöl. Ég veit líka að mörgum þykir nóg um eyðsluna um jólin en það er vel hægt að eyða hóflega á þessum tíma, (svona fyrir utan að samfélagið í dag stendur og fellur með kaupum og sölu - en það er nú önnur pæling) jólagjafir þurfa ekki að vera risastórar og dýrar, það þarf ekki að kaupa allt nýtt inn í stofuna af skrauti, elda upp úr Gestgjafanum eða kaupa nýjan kjól ef til eru fullkomlega huggulegir og nothæfir kjólar inni í skáp. Jólin eiga í mínum huga að vera timinn til að njóta þess að slappa af með fjölskyldunni, hitta vini og skemmta sér, borða góðan mat og týna sér í lestri á góðri bók. Hver og einn ætti að finna sína leið í að halda upp á jólin án þess að láta pressuna frá samfélaginu ákveða hvernig þau verða. "Réttu" jólin eru ekki til, ef fólki langar að liggja uppi í rúmi öll jólin með bækur eða sjónvarp þér til skemmtunar og ekkert fara út, eða þá að mæta í öll partýin í nýjum kjól og taka duglega á því, þá er það rétta leið hvers og eins.

Og það er einmitt það sem ég hef lagt áherslu á síðan ég fór að búa sjálf, að búa til mínar eigin hefðir og láta ekki stress og áhyggjur eyðileggja fyrir mér þennan yndislega árstíma. Í desember er litla tveggja manna fjölskyldan mín dugleg að gera hluti saman - elda góðan mat, horfa á jólamyndir, fara saman í jólagjafaleiðangur og í stað þess að kvarta og kveina yfir umferð og fólksfjölda og hvað þetta eigi eftir að taka langan tíma þá höfum við gaman af því - það er jú bara einu sinni á ári sem ég kaupi jólagjafir og mér þykir gaman að gefa (hlakka reyndar afskaplega mikið til þegar ég hætti í skóla og fer að vinna því þá er líklegra að ég geti keypt örlítið rausnarlegri gjafir handa þeim sem mér þykir vænt um). Svo er bara farið heim með pokana og öllu pakkað inn við skemmtilega jólatónlist. Einnig höfum við gert að hefð í desember að eiga einn dag bara fyrir okkur, helst laugardag en það gengur ekki alltaf upp, til að gera eitthvað skemmtilegt án þess að þurfa að klára eitthhvað eða mæta eitthvert. Við venjulega kíkjum í miðbæinn, skoðum í hinar og þessar búðir, röltum eftir litlum götum og skoðuum húsin, njótum allra jólaljósanna, setjumst inn á kaffihús og spjöllum, skautum á tjörninni og endum kannski á einhverju veitingahúsi eða förum heim og eldum. Þessi dagur er kærkomin afslöppun í mánuði sem er yfirleitt nokkuð þéttskipaður.

****

Christmas at home were always without stress. Nothing was ruined if we didn't manage to bake ten different sorts of cookies or clean the garage, we simply did what we had time to do. And I know a lot of people dislike the massive money spending around this time but it is possible to enjoy Christmas without spending all that much, (although our society depends on selling and buying but that's a different story) there really is no need spend a ton on Christmas presents, any gift - expensive or not - given with love is all I need. The house doesn't have to be decorated with the latest Christmas 'fashion' and old dresses can be worn again. My Christmas are about spending time with the people I love, seeing my friends and go out dancing, eating great food and relax with a good book. There is no 'right' way to celebrate this time, people have to find their own.

And since moving out I've tried to find my way and not let stress ruin this wonderful time of year. In December our little family of two (four if you count cats and rabbits) tries to do something festive and fun together, cooking different recipes, watching holiday films, buying presents and instead of complaining about traffic and how time consuming it is, we enjoy finding the perfect gift for everyone and wrapping them. I love buying gifts for my family and the time and money I spend on them is well spent. We also have a 'day off', a December tradition where we take a whole day off to do something relaxing and unplanned, which is very welcomed change since December is usually rather hectic. We walk around the streets in the city center and look at the beautiful houses and Christmas lights, go to a cafe for a cup of hot chocolate, go skating on the pond by the city hall and then go to a restaurant or home to cook. I really look forward to this day every December, it gives me time to recharge the batteries for the busy time ahead. 

Stelpukvöld - Girls Night In

Mér þykir alveg nauðsynlegt að hafa reglulega stelpukvöld þar sem kjaftagangurinn er í hámarki, horft á skemmtilega mynd og jafnvel eitthvað gott borðað. Nokkrar vinkonur mínar eru alveg jafn kreisí í naglalökk og ég og því er aðalmálið í hvert skipti sem við hittumst að mæta með safnið og skoða og gramsa hjá hver annarri og prófa nýja liti. Í síðasta skiptið var jólaþema með mandarínum, jólaöli og Home Alone - það verður ekki mikið betra en það.

****

Girls night in with lots of gossip, a fun movie and something good to eat is a necessity for me and we have these nights regularly. Two of my friends are just as crazy about nail polishes as I am and every time we meet we bring our collections and get to rummage through everyone else's box and try on new colours. 

The last time we met we had a Christmas theme, drank Jólaöl (Icelandic holiday soda - my favorite drink besides water), ate clementines (in Iceland they are considered  a "Christmas fruit") and watched Home Alone. Nail polishes and a Christmas theme? Count me in.

Opi: The Impossible, Gosh: Berry Me, Gosh: Ocean

Stutt frí - A Weekend off

Það er fátt sem hressir mig jafn vel við og að fara í smá frí heim í sveitina og síðasta ferð var afskaplega ljúf. Ég lék við köttinn minn hann Mosa, slappaði af með fjölskyldunni, fór út að borða á Strikið inn á Akureyri og vakti fram á nótt í kjaftagangi með mömmu.

****

There is nothing like taking a weekend off and visit my hometown back north and our last trip was wonderful. I played with my cat Mosi, relaxed with my family, went out for a dinner at Strikið in Akureyri and stayed up all night talking to my mother.

Það var að sjálfsögðu bakað smávegis en í þetta skiptið gerðum við litlar jólasmákökur með marengs sem langaamma mín gerði allatf fyrir jólin í gamla daga. Aðferðin er örlítið vandasöm og mér fannst nauðsynlegt að fá hjálp frá mömmu í fyrsta skiptið sem ég bakaði þær. Þær heppnuðust svona líka frábærlega og hver veit nema ég reyni við þær aftur þegar ég er komin suður.

****

I of course had to bake something and this time I made these delicate little Christmas cookies with meringue my great grandmother used to make. They are a bit tricky so my mum had to give me a little help as I've never made them before. They turned out great and I might be tempted to make them on my own when I'm back in Reykjavík.

Að slappa af

Stundum er ekkert betra en að koma heim örþreytt eftir daginn, taka af sér skóna og klæða sig í þykka sokka og mjúka peysu, hita sér te (nú eða kaffi eða aðra þá heitu drykki sem fólk kýs) og koma sér fyrir upp í sófa með góða bók. Það er heldur ekkert verra að kveikja á einu eða tveimur kertum, bara svona til að skrúfa upp huggulegheitin. Þetta er mín uppáhalds afslöppunariðja á haustin og veturna og ég er nokkuð viss um að heilabúið endurnærist tífallt þegar ég gef mér tíma til að slökkva á sjónvarpinu og eiga gæðastund með góðri bók, nú eða til að láta hugann reika og fá hugmyndir fyrir næstu bloggfærslur.

Rauð ber

Alltaf þegar "fuglaberin" (ég man aldrei hvað þessi ber heita en þetta kallaði ég þau þegar ég var krakki) eru er mætt í trén á haustin þá langar mig alltaf í eitthvað fallega rautt til að klæða mig í. Enda var ég ekki lengi að grípa þetta gjöööðveika rauða satínefni með hlébarðamunstri þegar ég skoðaði í Vouge heima á Akureyri þegar ég var þar síðast. Það var ást við fyrstu sín og ég var ekki lengi að bruna með það til mömmu og fá hana til að hjálpa mér að sauma eitthvað flott úr því. Enda er mamma snillingur í höndunum og getur leiðbeint trölli eins og mér í vandasömum saumaskap. Myndir af kjólnum í "full swing" koma fljótlega.

Innblástur

Stundum finnst mér fátt skemmtilegra en að dunda mér við að skoða myndir til að fá hugmyndir og innblástur. Ég þarf ekkert endilega að eignast allt sem ég skoða, þetta snýst ekki um það, heldur frekar að safna saman fallegum myndum sem heilla á einhvern hátt og nota þær til að hvetja mig í að prófa eitthvað nýtt, nú eða til að minna mig á allt þetta fallega sem ég á inni í skáp/ofan í skúffu sem hægt væri að nota öðruvísi en ég hef gert áður. Það er merkilegt hvað ein mynd getur opnað fyrir minningarnar um eitthvað sem ég hef upplifað, lesið eða hugsað og ég er gjörsamlega heilluð af því að fanga þessar minningar, sama hvort ég tek (teikna, mála...) myndina sjálf eða ekki. Litir, áferð og uppsetning kveikja á hugmyndafluginu, hvort sem ég nýti það fyrir útlitið eða þegar ég mála, tek myndir, elda eða sauma. Ef ég væri ekki hundveik í augnablikinu þá léti ég ekki rokið stoppa mig og drifi mig út að taka myndir, en það verður að bíða þar til ég kemst á lappir aftur. Ég kem til með að setja inn svona "innblásturs" myndir öðru hvoru sem einskonar "nammidagur" fyrir augun! Þessi myndaröð er augljóslega tileinkuð haustinu, eins og kemur til með að vera þema áfram hjá mér.

Haust

Ég elska árstíðarskipti. Þau hafa hvert sinn sjarma og ég er ekki ein af þeim sem þolir illa kulda og snjó, þvert á móti. Þegar sumarið er að verða búið og farið að dimma verulega á kvöldin þá kem ég mér í ákveðinn gír, bæði á heimilinu og hjá sjálfri mér. Það fyrsta sem gerist er að íbúðin fyllist af kertum og allskonar ljósum - það er fátt huggulegra en að sitja upp í sófa með góða bók og te og slappa af í ljúfri rökkurbirtunni. Einnig verð ég alveg gríðarlega spennt fyrir því að færa mig yfir í hausttískuna, þar sem ég elska þykkar peysur, fallegar kápur og trefla og alla fallegu litina sem koma með lækkandi sól. Leður, feldir, djúpir vetrarlitir, pallíettur og "hlýjir" ilmir er það sem ég tengi hausttískuna við og ég get varla beðið eftir að fara setja saman flíkur sem mér finnast vera haustlegar. Á næstunni kem ég til með að blaðra um ýmislegt tengt þessu tímabili svo verið viðbúin, haustið er komið í Lindu!

1. Vila leðurtoppur

2. Topshop love midi-hringur

3. Nyx Mega Shine gloss í litnum Sunrise

4. Topshop pallíettukimono

Að hugsa um sumarið í slyddu

Ég hef alltaf verið þannig að mér þykir auðvelt og nauðsynlegt að hlakka til. Helmingurinn í skemmtuninni felst í því að hlakka til og ég hef með eindæmum gaman að því að skipuleggja, pæla og hugsa um komandi tíma. Ég reyni þó að muna að það er ekki mikilvægt að standa við allt það sem ég plana eða vonast til að geta gert, því það hefur hingað til bara valdið svekkelsi að geta ekki gert allt það sem planað var eða dreymt um. Núna er þetta meira svona viðmiðunarhobbý hjá mér. Mér þykir gaman að plana og dreyma, en man eftir því að heimurinn ferst ekki þó að ég nái ekki að gera allt sem mig langar, eigi ekki peninga, eða ef plön breytast skyndilega.

Gott dæmi um þetta eru mistök sem ég gerði mörg jól í röð, en það var að ætla mér að senda öllum heimagerð jólakort, gera sælgæti heima til að gefa og þar fram eftir götunum. Voðalega skemmtilegt að geta gert það, en ekki alltaf raunhæft. Hvert einasta jólakort var teiknað og skreytt og þau tóku mjög langan tíma í gerð. Og sælgætið varð bara til að pirra mig, því þó ég hafi gaman að eldamennsku, þá á sælgætisgerð ekki við mig. Ég varð svekkt og leið yfir því að ná ekki að gera hvoru tveggja og endaði á að ná að senda bara örfá jólakort (stundum engin) og gefa nammi sem ég var ekki nógu ánægð með. Mér hefur loksins tekist að læra að ég þarf ekki að gera bæði, eða að hreinlega einfalda hlutina. Núna veit ég að þó mig dreymi um að vera æðislega klár og sniðug í korta- og sælgætisgerð, þá er í lagi þó að eitthvað bregði útaf. Það hefur reynst vel að einfalda kortin og byrja snemma á þeim. Síðast þá klippti ég út einfaldar myndir (gekk vel yfir sjónvarpsglápi) og límdi á falleg kort og skrifaði texta með skrautpenna - mjög fallegt og einfalt (og svo á ég pakka af tilbúnum kortum inni í skáp ef ske kynni að ég nái ekki að klára hin). Og sælgætið? Ég er hætt því. Ég er ekki góð í sælgætisgerð, og þá sleppi ég því.

Auðvitað er þetta allt spurning um skipulag, en ég er greinilega ekki ennþá komin á þann stað í lífinu þar sem mér tekst að læra fyrir skólann, sinna heimili og maka og öðrum fjölskyldumeðlimum, vinum, félagslífi og svo mínum einkatíma, á sama tíma og að klára allt hitt sem mig dreymir um að gera (auðvitað hefði ég meiri tíma ef ég t.d. hætti að hanga á facebook eins mikið og ég geri eða að skoða tískusíður, hey - ég er að læra það enn). Það hefur reynst mikill léttir að hætta að setja pressu á sjálfa mig - auðvitað er pressa nauðsynleg svo ég standi mig vel - en óþarfa pressa eins og sælgætisgerð er ekki velkomin. Ég læt mig því dreyma áfram án þess þó að týna mér í því.

Og eitt af því sem mig er farið að dreyma um er sumarið. Ég sé fyrir mér að ferðast um Evrópu í sól og hlýju, skoða franska sveit, fara á strönd í Króatíu og tónlistarhátíð á Englandi. En það gæti vel verið að það fari ekki þannig (!). En raunhæfir draumar um að fara í sumarbústað á fallegum stað hér heima, fara í hestaferð og kannski dagsferð á eitthvað fjall (nýju Cintamanigönguskórnir þurfa að vera notaðir almennilega), tjalda og grilla og fara oft í sund, er hins vegar allt annar handleggur. Og ég hef plön um að láta eitthvað af þessu gerast. Og núna hlakka ég til sumarsins!

                             Íslenskar sumarnætur - mig dreymir um þær í slyddunni!