Einföld jólagreiðsla #1 - A simple holiday hairstyle #1

Þar sem jólin eru á næsta leiti með öllu sem þeim fylgir, jólaboðum, partýum og öðrum uppákomum, þá fannst mér sniðugt að koma með nokkrar skemmtilegar hugmyndir fyrir jólaútlitið. Næstu vikur verð ég sem sagt með jólaþema í gangi ;)

Í desember er dagbókin hjá flestum okkar þéttskipuð. Vinna, próf, jólaundirbúningur, jólaboð og partý og þess háttar er fyrirferðarmikið og stundum er erfitt að koma öllu fyrir. Til dæmis ef jólaboð er bókað strax á eftir vinnu, þá er nauðsynlegt að vera skipulagður og gott að vera með auðvelda leið til að gera sig fína á sem stystum tíma. Í fyrstu færslunni ætla ég að sýna mjög einfalda "greiðslu" fyrir þau skipti þar sem tími er naumur - hún tekur um það bil 5 mínútur, um 20 mínútur með förðun.

Það sem þarf í þessa greiðslu er falleg slaufa á klemmu eða spennu, tvær hárspennur, þurrsjampó, hárlakk, greiða og hárbursti.

****

Since the holidays are upon us with all the parties, family gatherings and other festivities, I thought it would be fun to come up with some Christmas themed looks. The schedule in December is usually packed for most of us with work or exams, gift shopping and general Christmas preparations and sometimes there is very little time to get party ready. It pays off to have a simple routine that can be jazzed up quickly when time is limited and you don't have time to do something complicated. Sometimes all it takes is a sparkly hair pin and red lips!

The first hairstyle I'm going to do only takes about 5 minutes (hair and makeup takes about 20 minutes) and you will need a big hair clip with a bow, flower or some ribbon (preferably something with glitter or sequins to keep it 'Christmassy'), a hairspray, a comb with a pick and a hairbrush, two small hair pins and dry shampoo.

Fyrst spreyja smávegis af þurrsjampói í hárið (ég nota alltaf Batiste, finnst það lang best) jafnvel þó að hárið sé hreint. Þurrsjampóið gerir hárið stamara og það verður auðveldara að vinna með það. Síðan greiða vel í gegnum hárið og svo nota greiðuna til að greiða toppinn frá afgangnum af hárinu svo að það myndist smá "púff".

Spray on some dry shampoo, even if hair is clean. The dry shampoo gives the hair some texture and it's easier to work with. Then comb through hair and separate the fringe from the rest of the hair and make a 'quiff.

Spreyja greiðuna með hárlakki og greiða svo í gegnum toppinn og yfir öll litlu hárin sem vilja ekki liggja niðri. Þetta kemur í veg fyrir að púffið verði úfið.

Spray some hairspray on to the comb and then comb through the fringe to keep short hairs from being unruly.

Túbera toppinn svo púffið verði nú feitt og flöffí. Setja svo tvær hárspennur á móti hvort annarri í púffið til að halda því niðri. Að lokum tylla svo spennunni með slaufunni í púffið og partýhárið er tilbúið.

Backcomb the fringe to puff it up. Put two small hair pins in to keep the quiff in it's place. Finally put the pin with the bow in to the quiff and you've got a simple Christmas 'do'.

Hversdagsförðun hjá mér er meik á staði sem eru ójafnir, oftast kjálki og í kringum nef (ég þek aldrei allt andlitið), highlighter á kinnbein, kinnalitur, eyeliner og maskari og til að gefa henni smá jólakikk er lítið mál að mála eina rönd af glitrandi augnskugga fyrir ofan eyelinerinn og setja síðan fallegan dökkrauðan varalit á varirnar. Jólahjóla fílingur í hámarki :)

To kick up the everyday makeup (for me that's foundation where the skin tone is uneven, usually jawline and around nose, highlighter on cheekbones, blush, eyeliner and mascara) I put on a thick line of shimmer eye shadow above the eyeliner and some deep red lipstick. Party on!

Náttúruleg förðun - Natural makeup

Body Shop highlighter, Barry M Dazzle dust, The Body Shop Shimmer cube palette, Nyx Pure Nude varalitur/lipstick, Makeup Store Must Have kinnalitur / blush

Þessi fallega og náttúrulega förðun er alveg að heilla mig upp úr skónum þessa dagana. Góður highlighter og kinnalitur, smávegis af hóflegum eyeliner/augnblýant og maskara og svo húðlitaður varalitur eða gloss og voila! falleg en látlaus förðun komin. Tilvalið fyrir hversdaginn en lítið mál að bæta við þunnri línu af fallegum glimmer eyeliner við ytri augnkrókinn og jazza þetta aðeins upp og förðunin orðin partýfær ;)

****

This lovely and natural makeup is my favorite these days. A good highlighter and a blush, moderate eyeliner and mascara and finally a neutral lipstick or gloss and voila! a beautiful daytime makeup. But it's easy to make it party ready by simply putting some glitter eyeliner on the outer corner of the eyes and you're good to go ;)

Bleikar varir - Pink lips

Barry M lipstick in Shocking Pink, Make up Store eyeliner in black, Make up Store Wonder Blush in Cleopatra

Stundum rekst á myndir á netinu eða í tímaritum sem heilla mig upp úr skónum og ég nýti mér það sem innblástur fyrir sjálfa mig. Ég kem til með að rokka bleikar varir, bleikar kinnar og svartan, þykkan eyeliner á næstunni, það er á hreinu!

****

Sometimes I come across pictures on the internet or in magazines that simply take my breath away and I use them as an inspiration for my makeup routine. I will be rocking pink lips, pink cheeks and thick, black eyeliner for the next days or weeks, that's for sure!

Inglot varir

Ég kom því loksins í verk fyrir nokkrum dögum að fara og skoða í nýju Inglot snyrtivöruversluninni í Kringlunni. Ég hef margsinnis lesið um þessar vörur á erlendum síðum og hlakkaði til að fá að prófa þær sjálf þegar verslun með þessari línu opnaði hérlendis. Það var margt skemmtilegt í boði en þar sem ég er varalitasjúk þessa dagana var ég aðallega að skoða hvað væri í boði í þeim hluta. Þegar ég var búin að skanna varalita,- og glossstandinn varð ég fyrir smá vonbrigðum því ég sá engan lit sem greip mig. Ég var á höttunum eftir fallega fjólubláum/berjalit og enginn kveikti í mér. Ég ætlaði að láta þetta gott heita og fara, varalitalaus og alles þegar ég rakst á fleiri liti á miðjuborðinu í versluninni en ég hafði algjörlega hunsað þá því ég hélt að þeir væru augnskuggar - svona fer þegar maður rétt lítur yfir og nennir ekki að skoða vel - en glossin/varalitirnir sem voru þar voru í pallettuformi og því ruglaði ég þeim saman við augnskugga. Hægt var að kaupa einn stakan á 1290 kr. (minnir mig) en ef maður keypti lítið stakt box undir hann, sem er vissulega mun betra að gera, þá kostaði hann um 2500 kr. Ég var strax skotin í lit númer 71. og skellti mér á hann. 

Ég prufukeyrði hann svo daginn eftir þegar ég fór á sýningaropnun á Kjarvalsstöðum þar sem það er nauðsyn að vera svolítið huggulegur og því tilvalið tækifæri til að mæta með fjólubláar varir. 

Í fyrsta lagi þá er nauðsynlegt að vera með varalitapensil þar sem liturinn er í pallettuboxi og litli svampburstinn sem fylgdi með er ekkert æðislega góður. En ég á góðan varalitapensil frá NYX og notaði hann frekar - enda góður pensill. Það fyrsta sem ég tók eftir þegar ég fór að pensla á mér varnir var að liturinn dreifðist mjög vel. Mér finnst stundum vera erfitt að fá jafna áferð þegar ég nota dekkri liti og þarf að vanda mig heilmikið en ekkert svoleiðis vandamál með þennan. Í öðru lagi þá þá er liturinn algjört æði þegar hann er kominn á. Hann er djúpfjólublár og það er mikið af litarefnum í honum sem gera hann þéttan og skæran. Það eru líka örfín glimmerkorn í honum sem ekki sjást á myndunum, við erum ekki að tala um einhverja hlunka af glimmeri eins og í varalitaboxi fyrir sjö ára stelpur neitt, heldur bara agnarsmá glimmer sem gera það að verkum að varirnar virðast vera glansandi þó að liturinn sé þornaður. Í þriðja lagi þá er endingin alveg stórgóð. Ég setti litinn á mig um þrjúleitið fyrir sýninguna og bætti aftur á hann rétt fyrir sjö en á þessum tíma hafði ég fengið mér hvítvínsglas, blaðrað alveg heil ósköp og sleikt óhemju mikið út um því ég var stanslaust að athuga hvort liturinn væri virkilega svona fastur á. Nokkrum dögum seinna var ég með hann í vinnunni og bætti einu sinni á varnirnar yfir átta tíma vinnudag. Ég fékk mér að borða og drekka yfir daginn og spjallaði mikið við bæði samstarfsfólk og viðskiptavini. Og þessi draumur tolldi á eins og hetja.

 Í fjórða lagi er lyktin af honum góð, ekki mikil en sæt og það er smávegis ávaxtabragð af honum. 

Það eina sem ég get mögulega sett út á litinn var að hann þornaði á vörunum en hélst ekki rakur allan daginn. En með þessa endingu þá get ég varla búist við öðru, flestir aðrir varalitir sem ég á hefðu horfið af mér og yfir á glasbarminn á hvítvínsglasinu áður en ég kláraði úr því. Plús að glimmerkornin góðu gerðu sitt og varirnar litu ekki út fyrir að vera þurrar. Núna er hann nýji uppháldsliturinn minn og það verður spennandi að sjá hvort að aðrir Inglot varalitir séu eins góðir og þessi en ég ætla að kaupa fleiri í framtíðinni og vonandi standa þeir undir væntingum. 

Rauður varalitur

Suma daga er ekkert skemmtilegra en að setja á sig rauðan varalit. Það er bara þannig. Liturinn sem ég er með er frá NYX og heitir Electra. Ég elska NYX varalitina og það eiga eftir að koma fleiri myndir af mér með svoleiðis í framtíðinni! Annars er þetta fyrsta myndin sem tekin var í dag af mér þar sem bæði ég og fötin eru til sýnis (hversu sjálfhverf er ég eiginlega??) og ég svitna við tilhugsunina um það. En ég er búin að dást að annarra manna tískubloggum lengi vel og það var kominn tími á að ég prófaði sjálf. Þær myndir birtast von bráðar....!

Að líta vel út?

Það þarf ekki að fletta mörgum blöðum eða skoða lengi á netinu áður hrasað er um "10 ráð til að bæta útlitið" fyrirsagnirnar. Þessar greinar hafa oft farið örlítið í taugarnar á mér því oftar en ekki eru þetta alltaf sömu ráðin aftur og aftur, og jafnvel innihalda (að mínu mati) oft ákveðnar fyrirskipanir um það hvernig fólk eigi að líta út til þess að flokkast sem marktækt í samfélaginu. Ég er kannski bara svona þver, en þegar einhver segir við mig að ég þurfi að gera hitt eða þetta til að vera fín og sæt, þá nenni ég ekki að lesa lengur. Það að líta vel út og að finna sinn eigin stíl (nú eða að taka þá ákvörðun um að forðast slíkt algjörlega) kemur vitanlega ekki í stærð sem hentar öllum og "10 ráð til að líta vel út á ströndinni í sumar" ætti að öllu jöfnu að búa yfir mjög svo víðtækum ráðum þar sem það eru auðvitað ekki bara til tíu leiðir til að líta vel út á ströndinni. Hvað hverjum þykir "að líta vel út" er einstaklingsbundið, og leiðirnar til þess eru misjafnar líkt og við erum mörg. Kona sem stundar líkamsrækt af fullum krafti og elskar það, myndi eðlilega setja það ofarlega á lista hjá sér yfir hennar leiðir til að líta vel út. Kona sem hefur engan áhuga á líkamsrækt, en finnur sig í að elda myndi líklegast segja að ljúffengur matur gæfi henni sína útgeislun.

Það angrar mig ekki vitund að fólki vilji hugsa um útlitið (kæmi úr hörðustu átt frá mér þar sem ég lærði snyrtifræði í den) en það angrar mig að í flestum tilfellum er verið að tala um hvernig missa eigi kíló fyrir bikinítímabilið ógurlega, losna við appelsínuhúð eða hvernig best sé að raka hvert einasta stingandi strá af líkamanum (Guð forði oss frá því að gleyma rakstrinum fyrir ströndina, því eins og allir vita þá er kona sem gleymt hefur að raka sig réttdræp). Ekki misskilja mig, ég hef að sjálfsögðu ekkert á móti því að fólk grenni sig, raki af sér líkamshár eða geri ýmislegt í því að halda húðinni góðri - ég geri þetta allt sjálf - en mér þykir leiðigjarnt að lesa alltaf um þessa "kassastaðla" sem allir verða að passa inn í til að hreinlega mega fara út úr húsi. Þegar ég heyri "stelpur mínar, við skulum reyna að vera smávegis huggó og sætar og hafa aðeins fyrir þessu og muna eftir maskaranum áður en við förum út", þá ranghvolfi ég alltaf í mér augunum eins og unglingur á verstu gelgju og pirrast. Samt hef ég áhuga á að finna út hvað það er sem gerir mig sæta. Þess vegna langar mig að gera lista yfir það sem ég geri til að "viðhalda" útlitinu, en það skal þó tekið fram að hann er ekki gerður til að aðrir fari eftir honum frekar en þeir vilja. Hann er meira til gamans og kannski til að koma af stað skemmtilegum umræðum um hvað það sé sem fær konur (og karlmenn) til að brosa sætt framan í spegilmyndina í sátt við það sem blasir við þeim.

Nr. 1. Í þessu nútímasamfélagi sem við lifum í er hamrað á okkur að muna að njóta lífsins, að lifa í núinu og að vera hverja einustu sekúndu í lífinu hamingjusamur. Mér þykir það vera rosaleg pressa og daginn sem ég áttaði mig á að það er eðlilegt að vera ekki alltaf í núinu, að muna ekki alltaf eftir því að njóta lífsins og rembast ekki við það eins og rjúpan við staurinn að vera ALLTAF hamingjusöm, þá leið mér betur. Vitanlega er nauðsynlegt að njóta lífsins og stoppa og hugsa um núið, en þegar fólk eins og ég er farið að setja pressu á að ALLT verði að vera hamingjuríkt og fabjúlös (því annars væri ég bara léleg í að lifa, takk fyrir pent) þá er kominn tími á að gefa sér leyfi til að vera stundum ekkert að spá í þetta, eða sleppa því að vera með samviskubit yfir því að fara stundum í fýlu. Þegar ég man þetta þá líður mér vel, og búmm, ég verð sætari.

Nr. 2. Njóta þess að vera til í dag og bíða ekki alltaf eftir morgundeginum. Þrátt fyrir að vera í hróplegu ósamræmi við regluna á undan, þá er þetta engu að síður satt og fyrir mig er mjög mikilvægt að finna jafnvægi á milli hlutanna. Það er nefnilega oft æðislega gott að hanga bara upp í sófa að horfa á einhvern þátt og vera ekkert að spá í skemmtilegu utanlandsferðinni/partýinu sem verður næstu helgi. Þegar ég er glöð og kát með það sem ég er að gera, sama hvort það er spennandi eða hversdagslegt, þá lít ég betur út.

Nr. 3. Svefn á réttum tíma. Ég alræmdur næturgöltrari og á ekkert erfitt með að vaka heilu næturnar og sofa á daginn. Svona hefur þetta verið síðan ég var krakki. En meinið er að mér líður miklu betur þegar ég sef á nóttunni og vakna snemma. Það er fátt sem gerir mig jafn ferska og að sofna tiltölulega snemma og fara síðan eldsnemma á fætur til að fara í sund eða ræktina. Líkamanum líður betur og húðin verður miklu áferðarfallegri ef ég passa upp á þetta.

Nr. 4. Að fá það sem mig dreymir um í áföngum. Mig dreymir ekki um að verða geðveikt rík allt í einu, fá bestu vinnu í heimi fyrirhafnarlaust eða flottasta húsið tilbúið með öllu. Mig langar að eiga peninga í framtíðinni, fá frábæra vinnu og eiga fallegt hús en það er svo miklu skemmtilegra að hafa fyrir hlutunum í stað þess að fá allt strax. Þetta er gott að muna þegar ég kvarta yfir pínulitlu íbúðinni sem ég bý í, eða þá að geta ekki komist til útlanda þegar mig langar, því þegar ég loksins fæ það sem mig dreymir um þá verður það svo sætt. Að setja mér takmörk fyrir lífið gerir mig áhugasama fyrir því að gera betur í dag en í gær og heldur mér hamingjusamri. Það er býsna gott fegrunarmeðal.

Nr. 5. Að bera á mig rakakrem tvisvar á dag. Ég hef glímt við exem, þurrkabletti, viðkvæma húð og bólur, og það er ekkert sem heldur henni betri en að muna eftir að bera á mig rakakrem. Það þarf ekki að vera rándýrt krem frá Chanel (kremið sem ég féll fyrir og nota alla daga kostar um 1000 kr.) en raki er það sem allir þurfa. Það er til dæmis engin ástæða til þess að fara beint í sterakrem í baráttu við vægt exem án þess að prófa fyrst hvernig húðin bregst við ef hún fær sitt krem daglega í ákveðin tíma. Vitanlega er sterakremið oft nauðsynlegt en það borgar sig að athuga hitt fyrst. Ef rakakremi er sleppt, þá verður húðin verri, þannig virkar það alla vega fyrir mig.

Nr. 6. Borða fjölbreytta fæðu. Á mínu heimili er gríðarlega mikið magn keypt af grænmeti og ég elda mikið af allskonar súpum, pottréttum, kássum og öðru álíka sem inniheldur mikið af því. Það þarf ekki að heita salat til að vera hollt. Þess utan eru baunir, fiskur og kjöt, olía, ávextir og mjólkurafurðir eitthvað sem ég borða líka mikið af og ég forðast enga fæðutegund vegna þess að hún er "vond" fyrir mig. Eftir að ég tók markvisst í gegn það sem ég borða hef ég bæði séð mun og fundið hann, húð, hár, skap og svefnvenjur urðu mun betri en þegar ég borðaði einhæfari mat (sykurskrímslið er þó sjaldnast langt undan og ég þarf að sinna því reglulega líka).

Nr. 7. Stunda líkamsrækt. Ég lyfti og syndi og líður aldrei eins vel eins og eftir átök í lauginni/áhaldasalnum. Þess utan er ég dugleg að ganga út og suður og skoða fallega staði og mér finnst það vera algjörlega nauðsynlegt að taka duglega á til að líða vel, bæði andlega og líkamlega.

Nr. 8. Að ganga á hælum við óheppilegar aðstæður eða á hælum sem eru óþægilegir. Mér finnst ég vera oft svo kjánaleg ef ég treð mér í hæla til að fara í skólann eða til að rölta um í Kringlunni. Ég veit ekki af hverju en mér finnst ég vera minna fín ef eitthvað heftir mig í að ganga þegar ég er að gera hversdagshluti (t.d. að reyna að halda jafnvægi í roki á hælum þegar ég er að drífa mig í tíma, þurfa að passa hvert skref þegar hált er). Ég veit að reglan er oft sú að vera alltaf á hælum því það sé svo kvenlegt, en ég er greinilega bara ekki ein af þeim sem sú regla á við. Ég hef mjög gaman af því að klæða mig upp þegar ég fer út og fer þá í fínustu hælana, en svona oftast þá líður mér betur á nærri flatbotna skóm (skór með 3 cm. hæl eða mjög grófum hæl eru vinsælir hjá mér). Þægindi og fínheit geta vel farið saman að mínu viti og þegar mér líður vel og þægilega, þá lít ég betur út.

Nr. 9. Rakakrem, maskari og kinnalitur. Það eru hlutirnir mér finnast skipta máli þegar kemur að förðun hjá sjálfri mér. Stundum mála ég mig meira, stundum minna, fer allt eftir því hvernig ég er stemmd. Fallegur varalitur er líka oft akkúrat það sem ég þarf og þá eru helst dekkri litir sem virka fyrir mig. Ég spila förðunina alltaf eftir því hvað mig langar þann daginn og ef mig langar ekki að mála mig, þá bara geri ég það ekki.

Nr. 10. Bursta tennur og nota tannþráð. Nokkuð augljóst ekki satt?

Nr. 11. Fara reglulega í klippingu til að koma í veg fyrir að hárið á mér verði eins og úfið strý. Hef mjög fíngert hár sem slitnar auðveldlega og það munar miklu að láta snyrta það reglulega. Og nota teygjur sem hafa engan svona málm á þeim, kaupi alltaf svona litlar, feitar og málmlausar teygjur til að koma í veg fyrir að hárið slitni frekar.

Nr. 12. Sinna áhugamálunum mínum af fullu kappi, nýta tímann með fjölskyldunni og vinum og knúsa gæludýrin mín.

Nr. 13. Skoða fyndin dýramyndbönd á youtube. Ég er miklu sætari þegar ég hlæ.

Nr. 14. Stundum er leynivopnið góður "highlighter". Ég elska minn frá Make Up Store.

Nr. 15. Fara í heita potta og gufu, gerir oft kraftaverk fyrir húðina og sálartetrið.

Litlar breytingar

Í tilefni af því að færa sig inn í haustið þá ákvað ég að breyta smávegis til. Hárið á mér lýsist það mikið yfir sumartímann (margar sundferðir hjálpa ekki) að ég er spurð að því hvort ég hafi litað það ljóst. Ef ég læt það alveg eiga sig þá verður það svona líka huggulega sinugult, augabrúnirnar hverfa næstum alveg og mér finnst ég vera öll hálf "samlit", þ.e. augabrúnir, hár og andlit verða afskaplega áþekk á litinn. Mér þykir fínt að hafa hárið svona ljóst yfir sumarmánuðina þegar sólin er hátt á lofti og fataskápurinn er fullur af léttum flíkum í sumarlegum litum, en um leið og það fer að kólna er ég til í að breyta aðeins til. Ég er ekki að tala um að fara úr ljósrauðum yfir í dökkbrúnt neitt, heldur bara einum tóni dekkra. Svo ég skellti mér út í búð og keypti mér lit. Ég er löngu hætt að fara á stofu til að láta lita það vegna þess að fastur litur tollir mjög illa í hárinu mínu og ég tími ekki að borga fullt af peningum fyrir eitthvað sem endist kannski í þrjár vikur. Einu sinni litaði ég hárið á mér svart og það lak úr á tveimur vikum og bamm, ég aftur orðin rauðhærð. Einhversstaðar las ég að rautt hár tæki mjög illa við lit og því entust þeir stutt. Ég veit svo sem ekki hversu satt það er, en það á allavega við mitt hár. Ég litaði rótina og niður, en skildi eftir svona 20 cm. til að hafa endana ljósari. Svo skellti ég dökkbrúnum lit í brúnirnar til að hafa samræmi á milli, lét litinn liggja í örfáar mínútur til að þær yrðu ekki of dökkar og skrúbbaði hann svo vel úr svo ekkert yrði eftir í húðinni sjálfri. Og voila, ég orðin um það bil einum lit dekkri og tilbúin í veturinn. Ég biðst velvirðingar á myndgæðunum, ég var ein heima og þurfti að taka myndirnar sjálf, en það er ekkert grín þar sem að myndavélin mín er mjög stór og þung og erfitt er að halda á henni með annarri hendi og beina henni að sér. Næst á dagskrá er að kaupa þrífót svo að vinstri handleggurinn verði ekki mun massaðri en sá hægri. Eru fleiri en ég sem skipta um lit þegar ný árstíð gengur í garð?

Kinnalitur - hinn eini rétti

Ég elska förðunarvörur og hef gaman af því að punta mig (þó svo að stundum líði nokkrir dagar á milli þess sem ég geri það - leti háir mér stundum). Eitt af því sem ég elska mest og gæti ekki verið án er góður kinnalitur. Ef ég ætti samt að gera lista yfir nauðsynlegar vörur þá yrði gott rakakrem í fyrsta sæti. En kinnaliturinn kemur sterkur þar inn á eftir, já, meira að segja á undan maskara og púðri/farða. Kinnalitaást mín hófst einhverntíman í kringum 19 ára aldurinn þegar ég drakk í mig blöð eins og Cosmopolitan og Allure, þar var gagnsemi hans í förðun ítrekuð í bak og fyrir og ég hóf leitina endalausu að fullkomna kinnalitnum. Ég hafði aldrei nokkurntíman spáð í kinnalit fyrir það, nema þegar ég horfði á 80's myndir þar sem brúnir og eldrauðuir/appelsínugulir kinnalitir náðu frá kinn og upp á gagnauga (ekki smart) og þá jókst löngun mín í að prófa þá ekki hið minnsta.

 En stelpurnar í tímaritunum virkuðu eitthvað svo sætar og ferskar svo ég sló til og fór að prófa mig áfram. Það gekk misvel. Fyrsti liturinn sem ég keypti var rauður og ég hafði ekki hugmynd um að fölbleik húð eins og mín, með rauðbláum undirtón átti alls ekki samleið með þeim lit. Enda klæddi hann mig ekki. Fyrir utan það að ég kunni ekkert með hann að fara. Ég gleymi seint þegar ég áttaði mig á því, ég hafði þá notað kinnalitinn í nokkrar vikur, fannst ég ægilega smart og trendí, þegar einn daginn ég slysaðist til að sjá spegilmynd mína í birtu utandyra. Við mér blöstu tvær eldrauðar kinnar og ég leit út fyrir að hafa eytt síðastliðnum dögum á suðurpólnum, nú eða eins og stelpukjáni með allt of mikið af kinnalit. Ég þreif andlitið á mér hið snarasta og fór framvegis að gæta að því hversu mikið ég setti í burstann. Upp frá þessu prófaði ég alla liti og áferðir sem ég komst í og fann út að minni ljósu húð (sem verður svona líka huggulega svínsbleik ef ég brenn) hentar best að vera með fallega ferskjubleika, ljósbleika og róskremaða liti. Kremkinnalitir henta líka vel þar sem ég hef yfirborðsþurra húð, en góðir púðurlitir ganga líka.

Ég hef keypt bæði dýra og ódýra liti, einu sinni fann ég ferskjubleikann kremkinnalit í Megastore á 289 kr. og hann var merktur American Idol! Hann var kannski ekki flottasta merkið í safninu en hann var virkilega fallegur og entist vel. Ég snobba ekki í kinnalitum eftir það og hann varð fljótlega sá litur sem ég setti á mig daglega. Þar til einn daginn að ég tók eftir að hann var að verða búinn. Ég fór strax á stúfana í leit að staðgengli og rambaði inni í Make Up Store en leitin að ferskjubleikum kremlit hafði gengið illa og ég mundi ekki eftir að MUS ætti kremliti. Ég sagði afgreiðsludömunni frá vandræðum mínum og eins og ég vissi þá átti hún enga kremkinnaliti, en sagði mér hins vegar að hún ætti algjörlega æðislegan púðurlit sem klæddi ALLA. Ég var mjög efins en leyfði henni þó að sýna mér gripinn. Og þarna var hann kominn. Hinn eini rétti kinnalitur Lindu. Stúlkan setti hann á mig og andlitið á mér ljómaði. Ég skellti honum samstundis á afgreiðsluborðið og keypti hann, enda bara eitt stykki eftir. Nafnið segir sig líka sjálft en hann heitir Must Have og er einn vinsælasti liturinn í búðinni. Hann er yndislega ferskjuappelsínubleikur og skær en kemur hóflega út. Hann gefur ferskleika og er æðislega glaðlegur eitthvað, og ég alveg kolféll og nota hann síðan þá flesta daga. Síðan þá hef ég margsinnis fengið að heyra; "voða líturðu vel út, eitthvað svo fersk...". Sem er einmitt tilgangurinn með kinnalit! Ég mæli með þessum, og reyndar flestum kinnalitum úr Make Up Store, þeir eru æði.

mstore.is

Ekki láta myndina blekkja, hann er miklu fallegri í raun!

Á þessari mynd sést hann ágætlega - enda var ég agalega glöð með hann ;)

Fleiri litir sem ég hef elskað eru meðal annars kinnilitir frá NYX og Clarins.

 nyxcosmetics.com

clarins.com

Dekurkvöld

Stundum finnst mér alveg nauðsynlegt að taka frá kvöldstund og fara í heitt bað, setja á mig andlitsmaska og lakka á mér neglurnar (ég er nakklalakksjúklingur og skipti um liti á nokkurra daga fresti). En ég kaupi sjaldnast fína maska eða krem því það sem ég bý til heima virkar afskaplega vel. Ég er menntaður snyrtifræðingur og þekki því það sem hægt er að forðast til að spara pening og útbúa heima í staðinn. Einn sá skrúbbur sem ég á alltaf til og nota oftast er sítrónu og sykurskrúbbur sem ég nota á fæturnar á mér. Hann endist lengi og því skelli ég saman þessu tvennu í fallega krukku sem ég síðan geymi inni á baði. Þá er hann alltaf tilbúinn þegar ég ætla að skrúbba fæturna á mér vel. Ég þoli ekki þurra og sprungna hæla sem rúmfötin festast við og því er ég duglega að nota þennan og svo gott krem eftir á. Ég blanda bara sykri í krukkuna, um það bil 2/3 af stærð krukkunar og set síðan sítrónusafa út í, þannig að sykurinn verður gegnblautur. Svo keypti ég mér þessa líka finu merkimiða í Söstrene Grene og merkti svo þetta yrðu nú sætt á baðhillunni. Það er einnig hægt að gera sama skrúbbinn úr til dæmis salti og ólívuolíu eða sykri/púðursykri og ólívuolíu (eða bara hverri þeirri olíu sem hver vill). Olían er hentug fyrir þá sem vilja mikinn raka en sítrónan fyrir þá sem vilja hreinsandi meðferð.

Eftir sturtuna maka ég svo feitu kremi á fæturnar, það er hægt að fá fínustu krem í snyrtivöruhillunum í matvörubúðum og það er alls ekki alltaf nauðsynlegt að kaupa rándýrt fótakrem, þær sem glíma við fótavandamál ættu frekar að athuga það. Uppáhaldið mitt þessa dagana er Cocoa Butter kremið frá Vaseline, það er vel feitt og hentar fótunum mínum vel, plús að ég er mjög hrifin af lyktinni. Ég smyr þessu á fæturnar, skelli mér í hlýja sokka og beint upp í rúm og sef í sokkunum, þá smýgur kremið enn betur inn og daginn eftir er ég með afskaplega mjúka og sæta fætur!

Það er líka nauðsynlegt að gera maska fyrir andlitið og það eru aðallega tveir maskar sem ég er hrifin af og nota alltaf með hvor öðrum. Ég er með feita húð sem er yfirborðsþurr og þeir henta henni vel. Fyrst þá nota ég hreinsandi maska sem sótthreinsar og losar um dauðar húðfrumur, hann er einskonar sótthreinsandi skrúbbmaski sem hentar viðkvæmu svæði eins og andlitinu. Í hann fer matarsódi og vatn, ekkert annað. Ég blanda saman tveimur teskeiðum af matarsóda og hálfri til einni teskeið af vatni, hræri svo vel saman svo að það myndast krem sem freyðir örlítið.

Því næst ber ég þetta á allt andlitið og læt liggja í 10-15 mínútur. Maskinn harðnar og er kannski örlítið óþægilegur og stingandi fyrst, og fyrir þær sem eru með viðkvæma húð er best að stytta tímann örlítið. Hann er þrátt fyrir það mildur og hentar flestum, þó þær séu ekki með feita húð. Hann virkar jafn vel til að hreinsa húðflögur og gefa ljóma. Svo hreinsa ég hann af með volgu vatni. Til að fullkomna meðferðina set ég svo dúndurrakamaska, eða haframaskann minn ógurlega sem gerir mig svo slétta og mjúka. Í hann fara 2-3 matskeiðar af haframjöli og nægilegt magn af vatni til að það verði grautur. Svo er bara að bera gumsið á sig, getur verið vandasamt þar sem það tollir misvel, en þá er bara best að liggja út af, klessa þykku lagi á andlitið og slappa af með hann í svona 15 mínútur, skola svo vel af og bera á sig rakakrem. Þessi einfaldi maski er það besta sem húðin mín fær (og ég get eytt peningunum mínum frekar i eitthvað annað...föt til dæmis!). Önnur afbrigði af hreinsandi maskanum eru til dæmis að setja saman kanil og hunang, kanillinn virkar eins og skrúbbur og hunangið er hreinsandi, styrkjandi og bara alhliða gott, og hentar þessi kannski betur þeim sem eru með mjög viðkvæma húð eða mjög þurra. Og fyrir þær sem eru með mjög þurra húð er gott að bæta smá hunangi við hafrana til að fá auka raka. Svo bara gúrkur á augun, fætur upp í loft og slappa af.

Eins og ég sagði áður þá er ég naglalakksfíkill af verstu sort og er alltaf að snyrta á mér neglurnar og lakka með nýjum litum. Það skiptir máli að eiga almennilega tól til slíks og góð þjöl og naglabandaklippur skipta þar miklu máli. Naglabandaklippurnar fást á flestum stöðum sem selja snyrtivörur og eru nauðsynlegar til að snyrta svæðið í kringun neglurnar, mér þykir ekkert eins ljótt og að vera með fínt lakk en rifna húð allt í kringum neglurnar. Svo er að sjálfsögðu nauðsynlegt að vanda sig því ekkert naglalakk er betra en illa á sett naglalakk. Svo vanda sig - æfingin skapar meistarann!

 Ég skellti þarna á dökkbláum lit og setti glimmerrönd á til að breyta aðeins til. Dökka lakkið er frá OPI og heitir Light My Sapphire, og hitt er frá merkinu Ashanti og er númer 113G (þessi lökk fást í Zebra Cosmetique á Laugaveginum, virkilega skemmtileg búð með allskonar vörum, þá sérstaklega er ég hrifin af nakklalakksúrvalinu þeirra, það er mikið og þau kosta frá 199 og upp úr). Ég snobba lítið í naglalökkum og kaupi mér sjaldan lökk sem kosta mikið, verstu kaup sem ég hef gert var Chanel lakk sem ég keypti fyrir löngu á í kringum 4000 kr. Lakkið flagnaði af eftir tvo daga og liturinn varð ekkert líkur því sem hann var í flöskunni. Ég varð hundfúl og ákvað að ef ég splæsi í dýr lökk, þá verða þau allavega að vera gordjöss svo ef ég fæ ekki að prófa þessi dýru, þá sleppi ég þeim.

Eftir svona dekurkvöld þá er ég komin með fínar neglur og mjúka húð svo þessi kvöld eru nauðsyn fyrir sálartetrið annaðslagið. Svo hendi ég mér upp í sófa/rúm með góða bók og myntuteið frá Jurtaapótekinu og ef ég er heppin fæ ég kannski fótanudd - þá er kvöldið fullkomnað.